HOY TV首部原創劇《我愛九龍城》轉眼大結局，久違幕前的漂亮人妻麥家琪，今次客串飾演岑麗香媽媽，既有懷舊艷麗造型，又要犧牲靚樣化老妝，她更直言不夠喉：「鍾意我嘅朋友應該同HOY TV反映下，快啲開前傳就好啦！我成日唔返屋企，仔女問我去邊，我就可以講，我而家拍緊戲，你快啲睇，可能佢哋會多啲留意我，我喺屋企係隱形生物！我成日出咗去做嘢，但有時會喺屋企陪佢哋，最細個女都十三歲，加上返學好忙，自己忙自己嘢。先生冇同我講有冇睇我演出，我諗爸爸媽媽老爺奶奶，親戚朋友有睇。」她又指演出是一個和香港觀眾很久不見的見面禮，希望勾起港人對她的回憶。

　家琪婚後相夫教子，將演藝事業暫緩，她接受電台訪問，回顧入行三十多年的心路歷程，也分享拍戲多年最開心的事。她說：「梗係遇到好多不同嘅明星，原來可以同咁大嘅明星合作。（頭先喺節目度揀古天樂？ ）主持人畀我揀古天樂同金城武，我揀咗古天樂，因為金城武唔講廣東話，我冇嘢同佢傾。」◇