由無綫新晉監製陳萍、攜同編審麥世龍及黎倩儀攜手炮製的全新正氣劇集《健絡通呈獻:俠醫》,逢周一至五晚八點半翡翠台播映,主要演員有陳豪、張曦雯、馬貫東、丁子朗、劉佩玥、譚凱琪、馮皓揚、郭柏妍、游嘉欣、鄭子誠等。

　周一晚(1日)首播的《俠醫》,陳豪阿Mo飾演的凌為民,及張曦雯Kelly飾演的羅穎琛Rachel可謂由頭帶到落尾。劇情講述做人做到亂晒籠、冇錢冇事業冇愛情的「LoserRachel」,一開頭即迎來連串厄運並遇上碰瓷黨,幸好凌為民剛好路過幫忙拆穿騙局,還為Rachel治療慣性拗柴,二人因而結下拗柴情緣...禍不單行的Rachel,除了因要照顧自閉症家姐羅穎茵(譚凱琪飾)心力交瘁,同時還要應付同事沈綺婷(劉佩玥飾)的連番暗戰及好色客戶鄧力圖(鄭子誠飾)的不道德誘惑...

　Kelly第一集佔戲如此重,自然相當搶焦!其實Kelly今次飾演的LoserRachel與以往女強人及知性女性角色有極大分別,除了裝扮相對較「地」,就連表情舉止也與以往有180度差異,Kelly放下靚女包袱,短短一晚釋放出大量「浮誇剩女表情包」,包括咆哮Look、放PeaLook、蛇GweiLook、混亂Look及弱勢LoserLook等,獲網民大讚有新鮮感、夠放兼夠入戲。

　除了角色夠新鮮,Kelly的背心短褲居家Look亦獲網民大讚身形勁靚!其實Kelly的確勁弗,身高175cm的她,除保持到體重在54公斤,腰圍更長年Keep住23吋,擁有健美曲線。根據資料,早前曾多次減肥失敗的Kelly,近年採用「長短棍餐單」控制食量,即根據每餐的攝取量調整下一餐的食量,以保持熱量平衡。運動方面,除了重訓,Kelly也會做瑜伽幫助塑身。

　當晚另一亮點,是金牌綠葉演員「群姐」許思敏及「爛賭發」魏惠文的精彩演出。二人劇中飾演「惡霸騙子二人組」,以假藥油行騙街坊,結果遭陳豪拆穿。不甘被踢爆的二人,頓時由「笑口噬噬」的保藥黨、變成「面目猙獰」的無賴,當中群姐在後巷的「獅吼功」上身憤怒演技,更是喜感十足,獲不少網民留言大讚好笑及有霸氣:「群姐咁惡嘅」、「群姐行出來嗰下好有氣勢」、「好睇,群姐做騙子好好笑。」◇