佩戴過千萬鑽飾嘅Fala Chen陳法拉日前現身第七十五屆康城影展，參與法國導演阿薩耶將當年前妻張曼玉主演嘅電影《女飛俠再現江湖》翻拍成嘅迷你劇。首次踏足康城嘅法拉，連日嚟活躍多個該劇嘅宣傳活動，跟劇中一眾荷里活演員艾莉西亞菲瑾德Byron Bowers等亮相，較早前舉行嘅晚宴中更遇上韓國型男李政宰，能夠跟來自世界各地嘅演員聚首一堂，感覺既難得又開心，加上有法藉老公Emmanuel陪伴左右，遇有語言上問題，亦有佢代勞。

　談及首次有演出嘅作品參加康城影展心情「第一次在康城行紅地毯，當然開心啦，還可以跟演出這個劇集的演員再次碰面，很難得的機會，拍完此劇至今已有半年多。劇中的演員來自世界不同的地方，包括：法國、中國、瑞典，德國，美國等，好像一個聯合國，大家拍攝時的相處仍猶如一家人，加上老公本身是法國人，也可以陪我一起在康城出席今次盛會，所以我們兩人都很開心。」

　首次一人分飾兩角演出，法拉坦言係一大挑戰，佢話「一個戲外的角色、一個戲內的角色，分別三十年代和現代，所以演出時也要花更多時間調整角色的演員狀態，很有趣，內容幽默、天馬行空集於一身，很期待在首映中播出的連續三集。」而法拉嘅戲份將會喺第四集出現。

　身為法藉老公嘅妻子，法拉嘅法文應該進步神速，不過法拉就咁講「錯了，我的法文太差，水準太低，老公沒法子跟我溝通，自從懷上Mila（囡囡䁥稱）之後；因為不想她跟Daddy有secret language，所以惟有找法文老師私人教授，但這次來到康城發現自己學了兩年的法文，都未能派上用場，可能未夠信心和有點害羞，未敢說出口。」

　此外，日前出席贊助商晚宴遇上唔少各地知名嘅影星，其中包括演出《魷魚遊戲》嘅韓星李政宰，法拉表示跟李政宰自我介紹時，對方想完又想，覺得好熟面，最後先記起法拉係演出《尚氣》中的麗，仲拎出手機跟法拉selfie留念。◇