由「金牌媒人」林盛斌（Bob）主持的TVB戀愛真人騷《Funki Finance呈獻:女神配對計劃2》，逢周日晚八點半翡翠台播映。

　日前播出的第九集《女神2》，12位求愛勇者吳兆麟（Alan）、吳旭東（東東）、俞鋆瑞（Ice）、譚梓樂（Hepta）、李爾晨（Kyle）、林子朗、伍頌曦（Preston）、侯建民（Zico）、林福明、吳俊峰（Mark）、方智弘（Oscar）及關經翰（Oswald），將與七位女神何沛珈（Roxanne）、陳若思（Amber）、郭珮文（Juliana）、阮嘉敏（Mandy）、俞可程（Kanis）、梁超怡（Chiuyi）及陳星妤（Yvette）移師主題公園大玩水上遊戲之餘，還會以分組形式與第一季五位女神葉蒨文（Sophie）、關嘉敏（Carman）、梁敏巧（Maggie）、李芷晴（Stephanie）及羅毓儀（Yuki）促膝詳談，並揭發各大女神不為人知的「戀愛秘史」。

　「水上騎膊馬」大混戰除揭示了7大女神的戰鬥力，還有求愛勇者與男女相處時的特質，當中以Ice對異性的「零邊界感」最引發爭議。事緣，原本與Yvette一組的Ice，為了爭勝不斷與Yvette咬耳仔，還幫Yvette按摩增加戰力，令看在眼裏的阿Ju打翻醋罈子。事後，與阿Ju勁Friend的Amber忍不住提出:「拍拖都一段時間，佢仲會做呢啲，證明呢個問題一路都存在。」Ju雖然直認曾為此呷醋及「有啲唔舒服」，但仍強調是因為Ice人好及「比較多女性朋友」，但當聽到不止一個人都覺得Ice可能有問題時，阿Ju先是猶豫地「嗯」了一段長時間，再突然大動作謂:「我覺得我說服咗自己，係我嘅問題，係我嘅問題，係我嘅問題。」感覺似是「催眠」自己。

　阿Ju的屈就大大觸動了Maggie神經，並肉緊勸阿Ju:「你唔可以咁架。」Ju:「我覺得我比較flexible個邊界感，我可以就到嘅。」Maggie:「咁咪唔啱咯。」看到阿Ju恍然大悟反問:「係唔啱嘅？」Maggie更是心痛:「你覺得你唔舒服吖嘛，咁唔係就到咯，係你喺度忍受緊，你喺度虐待緊自己呀。」

　全方位「引領」組仔組女的Sophie，則獲網民大讚表達及溝通能力極佳，且普通話說得相當動聽，絕對是做主持的好材料:「有啲意外佢lead得到」、「幾好呀，用外人角度引導吓，幫觀眾問問題」、「溝通同表達能力勁到癲，引人講嘢好勁」、「Sophie有互動followup，帶到講嘢」、「Sophie問得好好，談吐好大體，講普通話好流利」。

　話說回頭，第一季女神絕對是《女神2》所有女神及求愛勇者的「心靈雞湯」。除Maggie與Sophie擔起「戀愛導師」，Yuki亦有分享自己的《女神》經驗為Amber及Alan解開心結。

　Yuki聞言，即以自己與Kris做例子，談起男友時，Yuki還經常流露甜咪咪表情:「初頭係好質疑佢，會唔會係搏曝光，唔係真心過嚟呢？但三角枱完咗後，佢慢慢有用行動去證明，嗰時Camping佢有煲湯水畀我飲，第二日又早咗起身手沖咖啡畀我，呢啲位令我慢慢開始相信佢。大家都可以做多少少行動上嘅嘢，去證明自己。」而整集最大彩蛋時，錄影當日Kris雖然不用出鏡，但仍做跟得男友陪足Yuki成日，仲要不時流露甜絲絲笑容，絕對是「世一好男友」，證明有行動嘅男人真係好信得過。◇