現年四十六歲，貴為視后嘅佘詩曼Charmaine Sheh在內地發展後令演藝事業屢創高峰，但係感情生活就未出現真命天子喇。

　近日有報道指阿佘返嚟香港，同家人過農曆新年，身邊疑似出現咗一位高大型男「新歡」，管接送阿佘同媽咪去街市買餸之餘，仲陪佘媽媽到醫院檢查，絕對係暖男嚟㗎。

　「新歡」曝光，阿佘決定還佢一個真正身份，兼且自揭兩人親密關係，阿佘喺社交平大方分享自己、媽咪同埋「新歡」嘅撐枱腳合照。

　阿佘仲圈住「新歡」寫上「我的型男舊歡」，再留言「開飯喇」標籤寫住「親哥哥靚媽一家人」，原來「新歡」正正係佢嘅親哥哥，呢個認證相信會為想追求阿佘嘅男士派咗粒定心丸喇。◇