藝人泰臣近日除忙於拍劇外，更擔任天主教聖瑪加利大堂一百周年舞台劇《百年人海》導演，除率領一眾「教友」演戲外，亦邀請劉松仁擔任劇組顧問。呢日二人為舞台劇拍攝宣傳影片，未埋位時已經「密密傾」劇本，松哥笑指多年來已學懂「抽離」，今次未有趁機發掘「徒弟」：「我做戲做完就係做完，每次很項目都很大壓力，因為我要思考諗到『頭都爆』，要代入觀眾嘅角度發現問題，同時要諗定點解決！」

　松哥表示未曾與泰臣合作，但曾觀看對方舞台劇演出留下深刻印象：「之後睇佢喺TVB做戲，覺得佢好突出，留低一個好好印象畀我。我唔知佢做導演嘅功力有幾多，但見到佢好投入、好認真，搵咗佢返嚟呢個係聖堂嘅福氣。」

　泰臣表示喜獲松哥認同，定必使出渾身解數，更自爆想邀對方出山任劇組旁白：「我有問佢啊，但佢冇覆我！不過佢剛剛話『賣關子』先，即係都仲有彎轉有機會嘅！今次素人劇組畀咗好大驚喜我，除咗松哥畀好多意見我，仲有唔同界別精英幫忙，真係發掘唔好寶藏！」◇