【專訪】灣仔花婆暫時恢復來澳趕得上賣年花，加上星期日，年花年桔銷情理想。

　舊年因為新冠肺炎關係，灣仔花婆已成年不獲批准來澳賣鮮花，全澳各區的灣仔花婆檔口一直冷清。近日，有三盞燈街坊反映，三盞燈灣仔婆花檔，近日已恢復有花賣，檔主全是熟口熟面嘅花婆，又話，好開心，終於買到新鮮花。

　有灣仔花婆稱，已獲批准恢復來澳門賣花已有好幾日，暫時批准三個月，之後不知道是不是可以繼續，但點都好，可以恢復來澳賣花，又趕得及農曆新年前復市，好開心，見番好多熟客，好似見番老朋友感覺，更加開心。又笑稱，生意不錯，多謝舊客支持。

　至於花價方面，有花婆話，價格同舊年差不多，貴都係貴兩三元，好似百合，呢兩日都是賣十八元一支，不是好貴。

　至於年桔、蘭花方面的舖頭，剛過去星期六及日，人頭湧湧，丁財兩旺，年桔售價一般由一百二十元至數百元都有，但有店舖老闆稱，疫情關係，不敢入太多貨，所以賣完就算。蘭花方面，豐儉由人，由一百二十元到過千元都有，而五百元左右一盤較受歡迎。◇