香港電台第二台推出全新節目《音樂說》，尋訪不同嘉賓，以音樂細訴各人的故事。節目主持王耀祖邀請張繼聰從童年時代談起，選出代表各個成長階段的歌曲，詳談個人成長與經歷。

　張繼聰由五歲起參演劇集，童星出身使他自小就懂得分離戲劇與現實。直至中五畢業，他選擇以戲劇作生涯規劃，報考香港演藝學院。年少的張繼聰將心神全都放在戲劇課堂上︰「上歌唱堂，我同黃華豐老師互相放棄對方，頭兩年我唔鍾意唱歌，直情可以話係敷衍同冇廉恥。」

　直至一次失戀，張繼聰才與音樂結緣，自始愛不釋手︰「對後生嘅我嚟講，經歷失戀係好（大）衝擊。我同白只真係好兄弟，因為佢都一齊失戀，我哋兩個組咗個『治療小組』，一齊拎住結他喺後樓梯又彈又唱，好快我就開始寫自己嘅歌，後來仲會去酒吧表演。」他在港台節目《音樂說》中特別揀選杜德偉的《無心傷害》來回顧此段音樂啟蒙時期，他指當時深受台灣音樂影響，特別是此曲開拓了他對R&B音樂的認識。自此，他在歌唱堂的態度一百八十度轉變，連老師都認同他別具潛質。張繼聰的出道可謂相對順利，在學時期的創作已獲唱片公司及歌手垂青，當中包括鄭秀文的《Try Again》及陳奕迅的《防不勝防》，成為入行契機。即使中途目標轉戰唱作歌手，張繼聰則從未想過會當上流行歌手︰「我覺得獨立歌手好型，當時我都係諗住出到一百張唱片，信和有得賣已經好勁。」

　回想初婚，張繼聰直認是其人生低潮期︰「當時係一個困境，同時面對好多壓力。一個廿幾歲男仔結婚，有小朋友，本身都夠大鑊，仲要日日被人指指點點，更堅強嘅人都好難受。」當時經常被傳媒追訪，被巨大的輿論壓力困擾多年，令張繼聰萌生尋死的念頭︰「我有諗過死，嗰時（被）逼到一個位，我一係死，一係改變自己諗法。最後諗明白，可以唔係放棄自己生命，而係放棄（介意）人地對你嘅睇法，放棄自己嘅執著。我由二十六歲開始面對，去到三十歲先釋懷。」回想被狗仔隊跟蹤，張繼聰坦言傷痕累累︰「其實只係一家人帶個仔出街玩，family time，一見到有車跟，我唔知點面對又要被人寫咩。經歷過後，我深明文字真係可以寫死一個人。」後來他慢慢學懂放下，調適自己的想法，甚至會與狗仔隊記者聊天，對方更坦白只為交差，向他致歉。

　張繼聰以李逸朗的《水》概括跟太太謝安琪的相處之道︰「好多人覺得婚姻係由愛情、激情，演變到感情。我認為婚姻好似水咁，水係必須。我同老婆仍有愛情，亦需經營，有時都要出去拍拖。」兒子踏入青春期，謝安琪難免感到擔心，而張繼聰卻認為轉變十分正常︰「而家個仔青春期，我都開始改變（溝通方式），會更認真同佢講男人嘅承擔，仲有價值觀。男仔係要多磨練，我會揸電單車送佢返學，個過程好玩啲，佢亦冇得玩手機，都係一個family time。」◇