9月6號係歌神許冠傑（Sam）嘅78歲生日，細仔許懷谷（Scottie）喺社交平台分享多張溫馨家庭照，展現阿Sam作為父親與爺爺嘅慈愛一面。

　Scottie憶起細個聽爸爸講「money doesn’t growon trees（錢唔會喺天跌落來），喺17歲嗰年收到爸爸送上「gave me a tree that grew money（送了我一棵『長錢嘅樹』）」。相中見Scottie收到爸爸送一棵掛滿利是嘅樹，兩父子露出開心笑容，而Scottie讚爸爸幽默感多年來一啲都冇變，話爸爸比佢仲健康。

　阿Sam今年生日，三代同堂圍坐喺餐枱開心聚餐，阿Sam戴住招牌鴨嘴帽，精神奕奕，顯得既潮又有活力，妻子Rebecca Fleming（Rebu）坐對面，由一對乖孫陪伴，全家人對鏡頭露出燦爛笑容，跟住大家返屋企切蛋糕，枱上擺咗一個精緻朱古力生日蛋糕，上面插咗「Happy Birthday」嘅牌，屋企掛有貓王Elvis Presley嘅黑白照，乖孫對鏡頭畀出「V」字手勢，整個畫面充滿幸福感。

　Scottie於2009年與太太Ida結婚，婚後育有一子（Tyler）一女（Leah），一家四口非常幸福，經常三代同堂與許冠傑慶祝節日。◇