近年已甚少公開亮相的女歌手關淑怡近有消息指因病留醫ICU，指其兒子關浚賢同家人日夜探望，情況堪憂。

　關淑怡感情生活始撲朔迷離，2002年於加拿大秘密誕下兒子關浚賢，令外界大為驚訝。孩子生父身份一度成為長達12年嘅謎題，直至2014年，Shirley先於網上揭露真相，指孩子生父係不丹活佛，當年懷孕時已知對方無法給予世俗婚姻與照顧，自己卻因深愛而選擇獨自生下孩子，雖然對方從未負責，但佢就毫無怨懟。

　關淑怡獨自撫養兒子，據指2020年兒子已赴美定居，自己則繼續於香港低調生活，直至今日有報道指佢病危入院，而身處美國嘅關浚賢已緊急返港，更被指於病房外抱膝痛哭。​

　Shirley早喺1988年參加日本「Marine Blue音樂節」奪得總冠軍，之後因佢獨特迷幻嘅聲線被寶麗金唱片相中，正式踏入樂壇。隔年推出首張專輯《冬戀》；單曲《難得有情人》一夜爆紅，當年更斬獲十大勁歌金曲與十大中文金曲，亦令佢順利摘下「最受歡迎新人獎」，同王菲、林憶蓮等女歌手分庭抗禮。

　1995年Shirley舉辦首次個人演唱會「難得有一個關淑怡」，唱片公司為佢度身訂造高級定製禮服，演唱會門票一票難求，同年更奪得叱吒樂壇女歌手銀獎，代表作《繾綣星光下》亦成為一代經典。

　當年佢同唱片公司約滿後突然引退，至2001年先再簽約公司推出國語專輯，惜又因生育問題同公司解約。2005年轉簽另一公司復出，再次於紅館舉辦「關於我」演唱會，並憑《三千年前》獲得金帆獎。2020年，佢喺社交平台炮轟唱片公司後宣佈退出娛樂圈。◇