十月一日係黎姿（現名馬黎珈而）五十四歲生日，一家八口一齊欣賞國慶煙花匯演，噚日黎姿開心分享合照，見父母、弟弟黎嬰、老公馬廷強及三位愛女都在場，黎姿仲一臉幸福捧着大束鮮花與生日卡，表示呢啲係最珍貴嘅禮物，冧爆讚老公每年送鮮花，永不缺席！

　黎姿當日身穿粉色漸變晚裝，盡顯高貴大方嘅氣質，黎姿感謝父母任何時刻給予無限愛及關懷，佢感恩喺人生旅程中，有摯愛嘅親友支持與陪伴，一齊走過好多艱難及美好時光，讓黎姿倍感溫暖。

　黎姿今年生日好開心，可以與大家共賞煙花，度過一個愉快嘅國慶日，相中見黎姿弟弟黎嬰雖然仍要坐輪椅，但其精神不錯。黎姿亦大曬家庭樂，貼出一張靚相，見佢捧着大束鮮花，又收到愛女親自整嘅生日卡並寫道：「這個生日收到最珍貴禮物，是來自女兒們親手做的蛋糕和繪畫的生日卡，以及老公永不缺席的鮮花，這些窩心的愛，瞬間讓我心中湧起無盡的溫暖。」

　佘詩曼、甘比及容祖兒等好友有留言祝賀。◇