TVBPlus(82台)全新另類旅遊節目《東方表行TakeYourTime呈獻..獨嘉瞓過界指南》,由人稱嘉姐謝茜嘉夥拍兩位年輕人蔡景行(行仔)及馮皓揚(羊羊)擔任主持,三人本着瞓醒覺又一條好漢精神,以捱夜車瞓住覺穿州過省換取時間,務求用最短假期遊歷最多行程。既慳酒店錢,又可作另類體驗。節目逢周四晚9點35分及周五晚9點半TVBPlus(82台)播映。

　昨晚(25日)首站來到越南河內,嘉姐帶住兩位後生仔坐開篷吉甫車作市內遊,其中經過甚具特色的三十六巷街,她說..「36條巷每條巷都只係賣一樣嘢,賣枱就成條街賣枱,唔會有第二樣嘢賣。」要數到河內打卡景點必定是火車街,特點火車軌兩旁開滿餐廳、酒吧。遊客可以安坐店前,近在咫尺距離不到3呎,感受火車駛過的震撼,人與火車的距離近在咫尺,嘉姐說..「好近呀,雖然明知架車掂唔到我哋,但下意識都向後褪,比喺網上睇片係更近。」兩旁乘客在火車駛過後,都興奮得發出歡呼聲。

　今晚(26日)一行三人會坐夜班火車前往胡志明市,車內設有獨立房間,每間收費約為100美元(778港元),最多可以瞓4人。一夜無言睜大眼又一條好漢,接住介紹的北河市集,集買玩於一身,當中食物攤檔的食材應有盡有,由野豬頭到各類內臟,顛覆三人想像。今晚兩位男士行仔、羊羊會接受大挑戰,初嚐逾兩呎長的馬鞭。馬鞭在當地被奉為強身補品,最常做法是燉煮或燒烤去除腥味。想知道馬鞭的口感如何、兩位男士會否變身「猛男」?就要留意節目播出。

　此外,行仔接受訪問時透露此行最大收鑊是試到聞名已久的「越式洗頭」,他笑說..「終於體驗到越南洗頭,之前聽人講好特別。洗完之後覺得唔止洗頭咁簡單,比香港洗頭大力啲同埋步驟多啲,唔止洗頭水同護髮素,仲提供肩頸按摩、面部護理呢啲特別服務。」◇