區子琳Paula成為獨立創作歌手後，推出首支廣東單曲《沒有你的0430》，這首充滿戲劇張力的情歌，不僅承載著她真實的情感經歷，更標誌著其音樂生涯的重大轉型。Paula更首次挑戰自導自演MV，以金髮新造型突破自我，展現全新形象。

　《沒有你的0430》講述了一個令人心碎的情感故事：女主角在生日當天凌晨4時30分滿懷期待地起床，精心化妝打扮，準備與男朋友共度完美生日，卻發現對方徹底失聯。「男朋友一直都無去覆佢message，跟住個女仔點樣打畀佢都揾唔到佢喎」，Paula透露故事從期待到焦慮、失落、憤怒，最終心灰意冷的情感轉折：「女主角其實就好明確地去感受到，男朋友其實係想分開嘅，呢首歌都係圍繞住嗰一日佢嘅情緒，去諗返起其實有signal係話畀佢知道要分開，去到最後就係連一個生日嘅message都要乞求嘅情況，其實都知道要分手」。

　「0430」這個關鍵時間點蘊含深刻寓意。Paula解釋這象徵著純真期待與殘酷現實的強烈反差：「你就當好似係啲小朋友咁樣，臨去郊遊前嘅一晚咁樣，佢哋一係就會緊張到瞓唔著覺，一係就係好早就起定身，期待嗰日嘅旅程」這種孩子般的期待感，更加突顯了故事中情感落差的戲劇張力。◇