由天下一電影製作有限公司、天下一家有限公司、香港電影發展基金及文創產業發展處出品，天下一電影發行有限公司發行，樂觸製作有限公司攝製，鄧維弼監製，戴栢豪任執行監製，梁國輝執導，賀鑫與鐘湦靈秀編劇的港產勵志電影《觸電》，9月18日正式上映。主演包括林敏驄、陳穎欣（Yanny）、盧慧敏（AmyLo）、陳毅燊（ANSONBEAN）、蘇皓兒（ChloeSo）、身兼原創故事、策劃、動作指導及演出的羅浩銘、羅莽、馮素波、吳肇軒、陳苡臻、特別客串的伍詠薇、肥腸、灰熊、陳鈺麟@JFFT、夏鼎泉@JFFT、李嘉彥@JFFT、張鋒良@JFFT、張毓軒、梁雋彥及李玗蓁。

　《觸電》台前幕後戲裡戲外都發揮「HappyHour」的團結精神，四出謝票及出席活動，導演梁國輝、林敏驄、陳穎欣（Yanny）、ANSONBEAN、李玗蓁、梁雋彥及視覺特效指導梁仲文，前日（21/9）去到長沙灣出席由D2Place及AI.XR-VRArcadeCenterbyVARLIVE全力支持的VR遊戲活動，與《觸電》觀眾一齊體驗虛擬實境射擊遊戲，眾人玩得投入，林敏驄笑言：「非常好玩，我都隊冧咗5、6件。我係第一次玩VRgame。」當被Yanny問及遊戲一開始時有沒有頭暈，林敏驄則搞笑回應「有頭痕」。Yanny說：「遊戲剛開始時我枝槍射唔出，好嬲，如果唔係贏嘅一定係我。不過覺得真係好逼真，高位唔敢行。」

　一身戲中造型的ANSONBEAN說：「我冇試過玩得咁開心，出咁多汗，係咁跌槍。」ANSONBEAN被林敏驄指大汗得似沖涼，ANSONBEAN說：「我都唔知點解，原來着羽絨真係好熱。」林敏驄嘲笑說：「都懵懵哋，着件羽絨出嚟。」李玗蓁說：「我被人隊冧咗好多次，但係好好玩，好投入。」梁雋彥說：「我係咁冧。」

　於剛過去的周六及周日(9月20及21日)，《觸電》一眾台前幕後將電影中的熱血團魂帶到宣傳活動中，兩日內出席謝票的包括導演、林敏驄、柯煒林、Yanny、ANSONBEAN、蘇皓兒、吳肇軒、良少@JFFT、李玗蓁、梁雋彥及視覺特效指導梁仲文，大家齊心力撐《觸電》。Will表示：「戲入面所有電競我都係呢部戲先開始學，戲中追求真實性，所以請到電競選手教我哋，唔使做嘢嘅時候就打機。」

　飾演柯煒林電競世界化身的ANSONBEAN，以一身戲中角色造型亮相，更手持道具手槍，誠意十足，而他亦非常入戲，分享時用槍指向觀眾大搞氣氛，Chloe見狀即笑住叫柯煒林按下「靜音掣」去叫停他，非常搞笑。ANSONBEAN說：「我哋拍之前練咗一段時間，多謝銘師傅（羅浩銘）教導，拍嘅過程非常好玩、熱血、開心。」◇