年初加盟新公司的韓子亮（TL）被公司要求改名為韓亞光（Fire），新名字寓意他能在樂壇「發熱發亮」，可見新公司對他寄望甚高，

　可是這半年來，TL一直甚不適應新名字，他不怕得罪公司大膽直言:「我覺得韓亞光（Fire）呢個名唔係好襯我，而且粉絲都叫慣我做TL，有粉絲話其實我自己做嘢On Fire就得，唔駛特登改名。」他又笑言改名後唱不了他的成名作《Party with TL》，「唔通改歌詞Party with Fire咩，成首歌冇晒靈魂啦。」

　所以他一直跟公司據理力爭，希望能沿用舊名繼續歌唱事業發展，「我出道以嚟就叫「韓梓亮」，中間都係改過一次寫法，但都係叫做「韓子亮」，所以一直話我改咗好多次名呢個講法係唔成立。」他又指用回舊名亦有另一個原因，「我想不忘初衷，繼續用呢個名造歌，其實「子亮」都係發紫發亮咁解，都唔一定要改新名。」終於憑著他三寸不爛之舌，成功爭取用回舊名「韓子亮TL」。TL對此十分興奮，更刪除了所有Instagram上的舊帖，「我要重新做人，希望令到以前噓我嘅人，日後都會為我拍掌。」

　好奇一問，他身份證上其實是甚麼名字，他笑笑口:「韓梓亮。」◇