Locksmiths開鎖佬新歌派「心靈雞湯」：「唔好『自行性』幻想。」

　樂隊Locksmiths開鎖佬推出全新單曲《煩惱事九成都不會發生》，為樂迷「解開心中嗰把鎖」！新歌靈感來自一本書，講述人生很多煩惱其實都是自己想多了，主音大雄指，錄音時才發現，原來自己平時最擅長的就是「嚇自己」。

　新歌《煩惱事九成都不會發生》由Locksmiths開鎖佬親自操刀作曲，少爺占填詞，樂隊與ChrisHo聯手編曲，ChrisHo更兼任監製。歌名靈感源自枡野俊明的著作《你所煩惱的事，有九成都不會發生》，亦是Locksmiths開鎖佬今年「閱讀系列」的第一擊。「成日覺得成長好痛苦？奮鬥極都好似見唔到底？」樂隊希望透過歌曲告訴大家，與其花時間憂慮未發生的事，不如學識放手──原來重重難關，很多時都是「自行性」幻想。

　Locksmiths表示：「其實我哋成日都係咁，未發生嘅事諗到天咁大，結果到頭來根本冇件事。今次錄音嗰陣睇住份歌詞，突然覺得，人生最大嘅敵人，可能就係自己腦入面嗰個『小劇場』。真係唔好再疑神疑鬼，九成煩惱都係自己拎嚟煩。」樂隊今次延續一貫熱血風格，但歌詞多了一份對成長的反思，「無論成敗都好，抬頭望吓宇宙，大家都係塵咁細，與其為小事操心，不如放膽去活一次。」