【專訪】今年是立法會是換屆後首次進行立法會施政方針辯論，整體議員發言明顯較以往積極，內容豐富廣泛，由於發言時間規定「提問八分鐘，追問兩分鐘」，所以有議員又急又快讀完整張紙的問題，有勉強讀完，也有讀不完，不過，有個別議員不急不忙，慢慢逐字逐句讀完。這亦是今屆議員發言時形成鮮明對比。

　向來心直口快的運輸工務司司長羅立文昨日在回應議員林宇滔時表示，「林議員，你未做議員時，在都更會同你開好多次會，你都好斯文，點解做咗議員咁勞氣，仲有四年呀！唔使咁急，有心臟病點算？慢慢來。你講咁快，我記都記唔切。你後生，慢慢，唔使急。」

　有議員關注節約用水用電問題。羅立文表示，「澳門係個有錢地方，每個人都能畀水費、電費同買食物，無壓力要慳水慳電。」「個個都畀得起、個個覺得平，」「澳門要落實減碳唔容易。」他又稱，「受疫情影響澳門旅客銳減，但今年首十個月用電量，較二零一九年時只減少百分之二，用水量較二零一九年只減少百分之一，反映水及電費價錢平，個個畀得起，搏命用。」

　就路環、黑沙及九澳三條古村村民多年來未能改善電力不足問題。羅立文明確稱，有關房屋無業權，不可申請加電錶，只有業主才可以。

　又話「我哋有資料，近期幾十年嗰啲屋又肥咗又高咗，所以電錶唔夠，僭建大把，所以要加大電錶」，「如果增加電力，咖啡檔、麵舖乜嘢都出曬嚟」，「又會出現有無業權，唔可以領取食肆牌照同用途不相符嘅問題，都係累死人」。

　他又稱，澳門有二十三萬多住宅電錶，其中百分之九使用與路環舊城一樣的電錶，但從未收過有關住戶投訴。

　至於掘路問題，羅立文表示；「澳門發展迅速，日後會有更多工程，如果議員認為現時掘路不方便，日後將更不方便，澳門是一個『大地盤』，唔係規劃做得不好，而是發展追不上需求，澳門發展要進步就是不可以不掘路，因為要增加供水電和渠道等，面對掘路工程，大家都要啲犠牲。」◇