TVB娛樂訪談節目《及時雨信貸呈獻：一周星星》，昨晚（1日）9點30分翡翠台播出。今集請來美食節目《美食強人》四位主持陳豪（Moses）、龔嘉欣、陳浚霆（Andrew）及林秀怡擔任嘉賓，接受主持許文軒訪問，大談節目拍攝趣事之餘，更爆出多段鏡頭背後鮮為人知的秘密，內容甜蜜又爆笑。

　Moses向來記性好，早在圈中聞名，但今次做《美食強人》主持反而考起他：「做主持要執生、即場反應，點樣撩起對方有更加多嘢講，對我來講反而有啲挑戰。」不過一眾拍檔對他信心十足：「佢好啱做主持，係一個好幽默嘅人」、「佢啲Gag好好笑」、「佢真係記性好好」、「佢好犀利」，一致認為Moses是「被演員耽誤的主持」，主持功力備受肯定。

　「獨家考古」環節重溫《誇世代》（2017年）、《殺手》（2020年）、《依家有喜》（2010年）、《怒火街頭2》（2012年）等片段。Moses分享為角色操Fit赤裸上身的難忘經歷，但尺度仍不及人生拍的第一部電影《晚九朝五》（1994年），Moses坦言：「我人生做過好多嘢都喺晒嗰度，呢部戲係我從影以來最鍾意嘅一部戲。」至於嘉欣與秀怡亦齊齊分享為角色犧牲剃頭難忘經歷：「剃完頭做記招，第二日廣告商打電話來，真係嚇親」、「我喺化妝間喊，喊到妝甩晒入廠」。

　嘉欣重溫《都市閒情》（2014年）片段，當年她曾表示好喜歡下廚煮東西，因為想嫁個好老公。被問到現時想法，她坦言：「我呢刻仍然係好想有自己嘅家庭。」她還透露身邊不約而同有認識約會異性的機會，但最終因某原因而卻步，罕有剖白感情事。

　「你問我答」環節請來譚俊彥、森美、樊亦敏、安德尊隔空提問，場面爆笑。其中最搶Fo莫過於陳茵媺(Aimee)電話錄音隔空放閃，分享老公Moses愛的表達方式，二人結婚多年恩愛如昔，原來全靠一個「密碼」。另在「本尊FactCheck」，Moses更分享與餅印哥哥的趣事。◇