《中信銀行（國際）Motion$呈獻:試真D唷》載譽歸來，一共10集逢星期日晚上8點翡翠台播映。

　《試真D唷》主持江美儀、朱敏瀚、吳業坤、曾展望GM及視帝張振朗，貫徹首季輕鬆搞笑、有話直說貼地風格，衝出香港去到台北、台南及高雄「試真D」。周日（13日），美儀姐、振朗、坤哥、GM將遊走高雄台南，大歎排隊美食「飄忽的流動燒魚」、銅板美食豬油撈飯、直踩被指造假的5分滿分居酒屋試探虛實，重頭戲則是吳業坤以特派員身份深入台南網路瘋傳、衞生環境極級惡劣的旅館。

　坤哥實測的旅館不但房間被指有小強、感覺殘舊、煙味重、不更換床單枕頭套等，甚至有旅客聲稱發現黑色蝙蝠，環境衛生極度惡劣:「床上有頭髮」、「地板有QQ毛」。製作組更要求坤哥以「望聞問切」手法，為大家試真D涉事旅館，結果坤哥不但要所有角落設備「驗屍咁驗」，還要聞廁所、聞拖鞋，結果搞到連環作嘔兼要衝出走火通道呼吸新鮮空氣之餘，更發現了一卷濕完再乾番的廁紙，十分誇張!

　當坤哥進入這間只需50港元便可入住2小時的旅館房間後，不但感覺到滿滿的塵蟎及罨味，更很快便與小強SayHi，可怕的是，小強Size雖然並不大隻，但卻呈半透明狀態、令人毛骨悚然，嚇到坤哥一度飆高音:「我而家見到呢隻透明喎，嘩好驚!床下底真係唔敢睇喇。」

　江美儀叫鎮定啲，但坤哥已經嚇到飆晒高音兼暴走，全程直擊坤哥試伏的美儀姐忍不住大嗌叫坤哥鎮定啲，可惜心智盡失的坤哥只懂大叫:「鎮定唔到呀!」但很快，專業的坤哥又返回「試伏Mode」，檢查酒店的風扇、冷氣、床單及枕頭情況，結果果然發現傳說中的QQ毛。最搞笑是，坤哥檢查中途突然戴番手套之餘，向美儀姐及振朗隔空展示「污糟物品」時更數度驚嚇至閉氣，加上嚇到大汗淋漓，竟驚現經典「眼鏡起霧」畫面，相當爆笑，令人完全感受到現場衞生幾咁惡劣、坤哥幾咁難受。

　而整個試伏最爆笑地方，是坤哥要入廁所「大索特索」!由於廁所齋望都又霉又潮濕，坤哥形容為「歲月嘅潮濕味道」，故坤哥幾經掙扎才承諾「我真係索一啖架咋!」結果坤哥大力一索後，即連續發出三下作嘔聲音，跟著還離奇「自轉」兼衝出走火通道大啖呼吸新鮮空氣，笑到遙距「觀伏」的美儀姐及張振朗拍晒枱。幾經抑制自己，坤哥才勉為其難繼續現場直擊:「其實Errerrerrr，有一個長年累用Errer...發霉嘅窗簾啦（說時有哭腔），然後見到一個好好嘅浴缸Erre...我試一次畀大家睇（說畢即二話不說坐在浴缸上），如果你唔怕污糟哩，係非常之舒適嘅」、「你會有個非常好嘅景觀啦，就係望住個馬桶。」

　雖然坤哥明顯比死更難受，但為了幫觀眾「試真D唷」，坤哥還是應要求測試酒店毛巾濕度及拖鞋有否異味，結果坤哥向著拖鞋輕輕一索，即驚現「靈魂出竅」狀態，更一度臭到眼都突埋，再度作嘔!搞笑的是，當坤哥測試毛巾乾濕度時，竟意外發現廁紙竟然呈「濕完再乾番」狀態，再度震撼美儀姐及振朗三觀。事後坤哥即時揼了襪子、及將消毒藥水噴滿全身，並形容整個過程似足探靈，:「只能講家家有本難唸的經，有啲人可以喺度有個地方休息就夠，希望每個人嘅生活都得到改善。」◇