譚詠譚詠麟（校長）一連10場歐洲坊鐘錶呈獻《譚詠麟與您「刻骨銘心」世界巡迴演唱會-終極篇》，於2026年9月11日（星期五）正式開鑼，校長以淺藍襯金色西裝演唱《無言感激》為「無言感激篇」揭開巡幕，出席嘉賓包括：文化體育及旅遊局局長羅淑佩、劉鑾雄與太太甘比、曾志偉、陳友、鍾鎮濤及女兒鍾㦤、鄺美雲、任達華夫婦、李克勤夫婦及陳貝兒等等。

　校長表示排練了200首歌，希望滿足一眾歌迷要求，又指會「盡力而為，量力而為」演出，「量力係雙對嘅，唔係淨係講我，有好多歌迷都係，因為我見到好多歌迷，由孭住書包嚟睇我演唱會，到今時今日好多都成家立室，甚至乎唔係孭書包係孭拐杖嚟睇我演唱會，係好感動，多謝你哋！」

　校長站在哥爾夫球車上繞場演唱早期推出《遲來的春天》等金曲，之後又大跳勁舞演唱《刺客》等經典快歌。由於每首歌都是名曲，歌迷亦相當熟識，演唱會大部份時間，都是全場大合唱。歌迷的熱情，令校長相當感動，演唱到《一生中最愛》時，校長一度哽咽，全場歌迷大叫他英文名「Alan」，校長感觸說：「能夠有咁多咁好嘅歌迷支持咗我咁多，你哋真係好唔話得，喺40幾年前我已經企喺呢度，到今時今日好多嘢都變咗，唯一我覺得冇變係你哋，多謝！」

　演唱《Don’t Say Goodbye》後，校長再次感謝歌迷多年來的支持，「從大家不斷灌溉，先得到養份，可以茁壯成長，去到今時今日我會好好收藏。」接着校長表示演唱會已經結束，並不設Encore部份，「嚟緊演唱會已經結束，開心party會繼續，玩幾耐就睇大家反應。」一眾歌迷聽到校長宣佈後，興奮得全場企起身跟校長一齊開party，大合唱《你知我知》等多首金曲。之後，校長演唱自己作曲，劉德華和李克勤填詞，為演唱會製作的新歌《我在意》。

　之後，校長突然邀請台下欣賞的李克勤上台，克勤甫上台就感動說：「我咁大個人第一次睇演唱會喊咗幾次。」克勤認真續說：「我代表今日現場嘅觀眾朋友，我好想感謝譚詠麟先生喺我哋嘅歲月裏面，畀咗我哋咁多好嘅歌，（曾）志偉坐喺我前面，我哋係一路睇一路喊嘅。」兩人來個深情擁抱後，校長說：「克勤係個好堅強嘅歌手嚟，因為佢要做主持唔喊得，好多歌可能佢曾經經歷過，我哋一齊唱，一齊做『左麟右李』，佢特別深感受。」克勤又分享以往以歌迷身份，看校長演唱會的感受，「聽《愛的根源》，當時我同你哋一樣坐喺度睇演唱會，唱到『閉上眼似是昨日』，成個紅館嘅燈開晒，真係好震撼。」之後兩人合唱《朋友》，場面感人。

　演唱會尾聲，校長演唱了演唱會必唱謝幕歌《講不出再見》後，再次被歌迷感動說：「頭先真係太感動，太令人《刻骨銘心》，希望跟住落嚟最後一隻歌，最後一隻我好尊敬嘅歌，呢隻歌將我帶到全球有華人嘅地方都認識我，就係靠呢隻《愛在深秋》。」◇