由森美、Eric Kwok(郭偉亮)帶領Plan V成員李茵彤(Desta)主持、Eric Kwok擔任音樂總監的互動音樂Game Show《AlipayHK呈獻:唱錢》(英文名:Music Money Monster),逢周六晚八點半翡翠台播映。除了三位常規主持,陸浩明將聯同PlanV其餘四位成員:江廷慧、彭家賢、陳昊廷及侯雋熙主持直播間。

　《唱錢》本周六一集是明星版,挑戰歌手是男子組合CAll Star成員,現已作獨立發展的梁釗峰。雖然被外界視為實力唱將,不過釗峰一出場時已「唉唉聲」,顯得「冇自信」:「好緊張上呢個節目」,面對《唱錢》System,未玩先認輸?為了迎接挑戰,釗峰透露事前已不停練唱做好萬全準備:「喺屋企哄住喇叭聽自己點唱,嘗試每首歌貼住原唱跟住唱。」不過釗峰亦透露,對某些歌曲仍有心理關口:「學友嘅歌係驚嘅,因為啲音要黐住原唱,變咗啲轉音要跟得好足。」森美及Eric Kwok聽罷他的備戰心得後,其實對他都有信心:「有留意我就放心」、「聽你講完係有信心」、「我覺得你有機會挑戰Monster」。

　釗峰挑戰期間全程處於繃緊狀態,在先後挑戰謝霆鋒經典K歌《玉蝴蝶》及陳奕迅歌曲《無人之境》,緊張到全程「定晒型」。對於挑戰《玉蝴蝶》,Eric Kwok賽前已表示難度不大:「難就難在Jump位重複三次。」但「緊張大師」釗峰在演唱時就緊張到「企定定」演唱,更全程用左手按着耳仔,專注望着螢光幕上的「旋律Bar」演唱,足見心理壓力非常之大。至於挑戰《無人之境》,Eric Kwok賽前則表示:「呢首歌難,冇乜氣透,爆上去唔好留力。」《無人之境》難唱之處在於氣息控制及頻繁音域轉換,極考驗歌手聲音控制力。壓力大的釗峰在演唱時緊張情緒愈見明顯,全神貫注演唱時一度唱至「青筋暴現」及「臉容扭曲」,音準部分出現多次大波幅,音樂系統上顯示多個「紅Bar」及「DANGER」警號,現場氣氛相當緊張。

　另外,釗峰挑戰期間多次身陷「DANGER」警號瀕死邊緣,掙扎求存的他全程「唱得辛苦」,痛苦指數明顯增加,非常有畫面感。而EricKwok全程化身「聲音醫生」,留意到釗峰聲帶狀態不穩:「係咪有嚿痰撠住」、「聲帶好似唔係好控制」、「唱低音位聲帶好似有嘢撠住」,究竟釗峰能否挑戰成功過關呢?就要收看本周六播映的《唱錢》。◇