由阿正李尚正和妹頭盧頌恩主持嘅《臥底•高鐵團》每逢周日晚九點就會同大家喺HOY77台同大家見面，我哋《娛樂頭條》就獨家直擊兩位主持出發嘅情形，雖然當日一早出發，已有不少團友認出兩位臥底，令兩位可以名正言順去享受旅程。在首個行程中，妹頭又再露二手，著泳裝浸溫泉，仲有在櫻花樹下留倩影添﹗

　阿正和妹頭今次帶住觀眾乘搭高鐵去旅行，佢哋最開心就係坐高鐵令行程縮短，享受又升級。兩位都表示要食飽飽先出發：「因為今次我哋要去好遠呀！要去到800多公里之外嘅江西，其實我哋都坐過旅遊巴去㗎喇！嗰次好似坐咗七個幾鐘！今次就三四個鐘就去到喇！快好多！咁就可以快啲拍完快啲返屋企瞓覺啦！」

　除了江西之外，佢哋嘅足跡亦遍佈大江南北，第一集播出嘅郴州，唔單止看到很多盛放的櫻花，又有油菜花田，兩日之旅就包括浸溫泉、遊東江湖、登五指山，令兩位都認為不枉此行。在遊東江湖時，阿正對住好靚嘅湖光山色竟然話：「我都差唔多息影啦。」妹頭就面不改容答佢：「我都估到啦。」仲鼓勵阿正息影前擺兩圍請大家食飯添﹗

　而另外一集嘅重慶之旅，妹頭就自嘲變成「辣妹」，因為當地的食物名副其實非常辣！而阿正就大爆幕後趣事：「當中有個臥底團友日日食，日日個肚都嘰哩咕嚕！15分鐘去一次廁所，因為去當地食正宗重慶火鍋，機會難得呀嘛!食第一餐佢已經覺得個胃唔舒服㗎喇！第二餐照食囉！返到香港冇得食㗎喇嘛！」◇