女團VIVA隊長Carina李晞彤與VIVA成員完成啟德主場館唱歌成就解鎖，得到網民留言鼓勵；Carina在演出前一天曾在網上為自己及隊友打氣：「VIVA會有一日可以唱到自己歌的，所有過程都係必須，得到嘅時候就係上天覺得最適合同準備好嘅時候！」怎料翌日「開口中」得到演出唱歌機會，Carina希望突如其來的幸運延續至其個人首支單曲《讓路》，新歌已於日前正式上架。

　今次整個新歌的宣傳企劃其實由Carina主動提議兼親自主理，她主動向公司爭取做一個月的期間限定「Marketer」。新歌上架當日，Carina拿着印製好的一千張宣傳單張，由下午兩點開始，走勻尖咀星光大道、小輪碼頭、葵芳廣場、旺角銀行中心，到最後一站的銅鑼灣時代廣場，足足派足八個鐘。

　最令她難忘的是一位姨姨，「佢唔知我派緊乜嘢，喺好遠行過嚟問我：『你派緊乜嘢啊？』我同佢講咗啦，然後佢同我講：『好啦，加油啦，我見你都企咗好耐啦。』好sweet呀，我發現我都係啱女仔嘅market多啲，哈哈。」◇