主持吳幸美（AmyNg）近年主力負責主持《東張西望》為市民伸張正義，去年初被爆封盤時，已獲不少網民送上祝福，3月23日，幸美開心宣佈已婚！

　吳幸美透露跟男友Sammy拍拖年幾就決定結婚，之後以全新人妻身份主持《東張》，繼續努力工作，識對方時已認定對方，幸美覺得另一半善良老實、三觀一致，每日過得開心，由於另一半係圈外人，所以婚事低調進行。

　幸美喺社交平台貼出簽紙儀式及婚宴嘅照片，她邀請謝偉俊律師證婚，久未公開露面嘅白姐姐白韻琹亦現身到賀！

　一眾圈中好友李思捷、安德尊、王俊棠、肥媽MariaCordero、黑妹李麗霞、李龍基、方伊琪、譚玉瑛及JoeJunior等出席婚宴，肥媽同黑妹亦即場獻唱助興！

　幸美於圈中打滾23年，由於佢係家中獨女，年紀輕輕就要孭起成頭家，以工作行先，一星期做足6、7日，晚上亦甚少應酬，不用工作便留家，入行後只拍過一次散拖，直至去年初「封盤」。◇