由森美、Eric Kwok(郭偉亮)帶領PlanV成員李茵彤Desta主持、Eric Kwok擔任音樂總監的互動音樂Game Show《AlipayHK呈獻:唱錢》(英文名:Music Money Monster),14日播出的第八集終誕生最強「唱錢素人」!現年40歲、曾參加《英皇新秀》選拔的Mani,成功挑戰Monster歌曲《一枝花》、打爆九格Sing盤,成為首位勇奪十萬港元現金奬的挑戰者!

　本身目標是不挑戰Monster、只贏走一萬港元現金獎便心滿意足的Mani,由於頭8首歌曲共有6首歌曲綜合成績超過90%(是節目開播以來最好成績),而且愈戰愈勇,去到Level8兼遇著自己原本信心不是太大的歌曲《相信一切是最好的安排》,但Mani最終仍成功斬獲93.7%綜合成績,音準高達97.3%;在極好成績前提下,加上仔仔一句:「你都係盡自己能力唱埋落去啦」,幾經掙扎的Mani終鼓起勇氣向Monster歌曲及十萬港元現金獎挑戰,結果開中音域差距大,兼高音位極多極長氣的Monster歌曲《一枝花》。

　面對被形容為「一音錯、滿盤皆落索」的《一枝花》,Mani依然沉著應戰,結果成功戰勝一連串密集式歌詞及高音位,以95.5%綜合成績贏走十萬港元現金獎,亦唱得悅耳,令全場陷入一片狂喜之中,主持人Desta激動至眼泛淚光,神情勁激動的Mani,亦坦言自己好想喊。音樂總監EricKwok對Mani的高水準演出亦甘拜下風謂:「唱到有啲似彭羚」、「你好嘢,真係你好嘢!」森美問到Mani最終為何鼓起勇氣挑戰,Mani坦言是因為不甘心及好奇心:「唔甘心咯,想睇埋Monster咩歌。」

　Mani的超凡實力及勇氣,令她成功一夜爆紅,贏盡民心!除了《唱錢》Chatroom「民」情洶湧,熱度闖新高衝破60萬外,網民在Threads及無綫官方社交網更是洗版式留言正評:「Monster Mother Mani」、「呢首歌好難唱的」、「屈機」、「唱到仲要好聽,好勁」、「可以原地出道」。

　「Mani向世人證明,付出同努力係唔會白費」、「能否特別安排佢直接參加《中4》?」、「佢證明咗40歲都可以繼續追夢,有2個小朋友都可以繼續追夢,結咗婚都可以繼續追夢」、「實在令好多中年人重拾希望及自信,多謝你的勇氣」。而綜合網民意見,先後有人指Mani聲音酷似林憶蓮、陳慧琳、彭羚、鄧麗欣、鄭秀文及胡蓓蔚Mix。

　Mani事後接受製作組訪問時,坦言事前完全沒有想過可以贏走十萬港元現金獎:「我係諗住來玩下,攞幾千就幾千,攞唔到就算,叫Enjoy過舞台。但見到自己一關一關咁過咗,覺得去到呢個stage唔唱又覺得唔甘心。呢個節目係令到我嘅信心大咗好多,得到呢個認證後我都好希望可以喺呢方面有發展,我會繼續追夢。

　我以前覺得你一把年紀(追夢)啲人就會笑你:『點解而家先來追夢』,但我(而家)又覺得追夢應該無分年齡㗎嘛。」而當晚一集播畢後,Mani亦在個人社交網留言感謝《唱錢》台前幕後:「多謝tvb同埋ailpay畀咗一個咁好嘅機會我一個無台風嘅人震住打贏怪獸monster超級感激Ericsir,森美大哥,Desta同埋

　所有節目組的監製及工作人員,你哋真係好好好,超級nice,好努力咁令我放鬆,比咗好多鼓勵我呢個無鬼用嘅師奶。」

　馬敏莉Mani(40歲)任職文職工作八年,育有兩子。自小懷抱明星夢,學生時期已有參加學校歌唱比賽的她,多年前曾參加《英皇新秀》選拔但未能入圍。她從小熱愛研究唱歌技巧,雖無師承,卻憑著反覆鑽研同一首歌苦練出「完美音準」,對抒情歌曲尤其鍾情。

　Mani婚後專注家庭,但對音樂熱情從未減退。兩個同樣熱愛音樂的兒子,不時鼓勵Mani挑戰《中年好聲音》,並深信媽媽能駕馭任何歌曲。搞笑的是,Mani這次立定決心參加《唱錢》,其中一個原因竟是為了一圓「被TVB化一次妝」的小心願,相當Funny。◇