由一班靚仔靚女倪嘉雯(Carmen)、黃嘉雯(Carmaney)、廖慧儀(Jessica)、伍倩彤(Gillian)、蔡景行(行仔)等主持的飲食節目《美食新聞報道》,於本周一、四、五晚8點及本周二晚8點05分TVBPlus(82台)播映。

　昨晚(22日)韓國綜藝節目《黑白大廚:料理階級大戰》中的白湯匙;一星米芝蓮廚師金度潤(金主廚)早前來港,拍攝韓國電視節目。食評人謝嫣薇(Agnes)帶同行仔與金主廚聚舊,並邀請他為《美食新聞報道》擔任嘉賓。

　Agnes一盡地主之誼,帶金主廚到尖沙嘴嚐「陳皮宴」,她解釋：「因為呢間餐廳李師傅創嘅陳皮宴非常出名,金大廚本身係『乾貨專家』,自己工作室有500幾種乾貨,所以帶佢來見識下粵菜嘅乾貨,包括陳皮係幾咁好味。」顧名思義,每道菜都以陳皮入饌,單是三款菜式：椰皇鮮角螺竹笙燉花膠、二十四年東甲陳皮芋蓉香酥鴨、西甲十年陳皮飄香荷葉飯,他讚不絕口,金大廚事後接受訪問時表示：「陳皮宴好正,尤其是荷葉飯有好多味道同層次好豐富,真係好好食,好驚喜,自己都愛用乾貨。」他覺得香港食物食落舒服,不像韓國菜般刺激。

　此外,昨晚廖慧儀(Jessica)介紹一間高質居酒屋,餐廳的一款「我推的迷你丼」,一次過可以滿足六個願望,她說：「唔知大家去餐廳食嘢時候,有無選擇困難症。今次呢間日本餐廳嘅丼飯,想一次過可以試勻六款餸,包括刺生、炸物、燒牛肉。仲有一格『問號』應該係每日都唔同菜式。」拍攝當日『問號』提供的為龍蝦刺生。最後Jessica再試店內兩款招牌菜紫蘇元貝豚肉卷及生菜豚肉卷,加上一杯士多啤梨芭菲,絕對滿足。◇