HOY TV全新飲食競技節目《領廚爭霸戰》除咗邀來美女廚神蔣怡任主持，名廚Jacky余健志及Ricky張錦祥做評判之外，每集都會邀來不同的嘉賓擔任星級評審，包括李龍基、關寶慧、陸詩韻（Sharon)、陳嘉容、崔建邦等，陣容鼎盛。

　雖然關寶慧正忙於舞台劇工作，但仍於百忙中抽空支持，原來佢係第一次做評判，因此心情非常緊張：「我都唔知點解咁緊張，又唔係我參賽！其實我本身乜嘢都鍾意食嘅！喺我人生中，擺唔到落我個口嘅嘢係少過十樣！所以我好慘，因為要keep fit，所以成日都唔可以食嘢，而我對食物嘅要求就係要原汁原味，外表靚唔靚我都冇所謂！」除了繼續要keep fit之外，關寶慧笑言要保重身體：「因為我近排仲係忙緊做舞台劇，點知之前好核突咁，喺個舞台上面仆低，成個人飛咗出去！勁醜樣呀！而家仲腫腫地，應該係骨裂，好彩冇移位！而早幾日拍戲又搞到成隻手傷曬！我的手手腳腳經常處於受傷嘅狀態，好奇怪！」

　而久未露面的陸詩韻（Sharon)就是其中一位啦！品嚐美食在行的她，原來私底下是不懂下廚的：「我對煮嘢係零經驗嘅！所以個廚房好乾淨㗎！永遠保持住全新嘅感覺，我覺得我有啲變態，我完全唔享受煮嘢嘅過程，但係好享受洗碗！其實我係一個好老婆來嘅，大家唔知咋嘛！我試過喺日本，同媽咪一齊煮嘢食，我將鹽同埋糖撈亂咗！但係唔係我問題囉！啲糖點會係粗粒㗎？所以一定係啲糖嘅問題，唔關我事！哈哈哈！」

　Sharon早前剛搬出來獨居，她表示非常享受。◇