結合無綫三大經典歌唱比賽《新秀歌唱大賽》、《超級巨聲》及《聲夢傳奇》的歌唱大賽《AlipayHK呈獻：聲秀》，周日（14日）晚播映時間調動至9點半翡翠台，節目由陳懿德主持。

　周日播出的第八集《聲秀》，7大導師（排名不分先後）：蘇永康、譚耀文、劉浩龍、吳浩康、泳兒、鍾舒漫和胡鴻鈞率領組員進行「向新秀致敬」第二回合-「個人對戰」，每組派出一名學員獨立作賽。今集五位評審（排名不分先後）陣容是：舒文、陳奐仁（Hanjin）、郭偉亮（EricKwok）、T-Ma及嚴勵行（JohnnyYim）。演唱歌單如下：蕭凱恩Michelle《富士山下》、林潔心Bibi《一首獨唱的歌》、林錦興（小林）《浮誇》、張津銘《默契》、馮熙燮Ryan《不來也不去》、冼奕瑜Jasmine《熱愛島》、柯雨霏Ophelia《彌敦道》。今集有人獲其中一位評審給予20分滿分，到底是誰？周日晚自有分曉。

　今集焦點有泳兒組的大熱選手柯雨霏Ophelia。之前憑《回憶半分鐘》勇奪90分超高分備受廣泛關注的她，這次挑戰《彌敦道》，惜排練期間狀態未如理想，被細心的泳兒察覺到、遂於揸車接載Ophelia期間開解囡囡：「放開啲，唔好將問題收收埋埋。」幾經練習及泳兒安撫，Ophelia正式表演時拋開心結，以淡定狀態及甜美聲線演繹全新版本《彌敦道》，獲評審兼《彌敦道》監製舒文大讚：「好耐之前同洪卓立做，佢當時感覺係懷舊，但係我覺得你今日做咗一樣好好嘅野，就係你著咗一件新衫比呢隻歌，令到佢Update咗。」T-Ma：「你喺台上面好淡定，我Appreciate你成首歌有做到啲Details同Design。」

　雖然獲讚淡定，但Ophelia表演後透露演唱時其實緊張到手震，並坦言上次的90分給了她無形壓力：「我基本上上次唱完之後進入咗一個好焦慮嘅狀態，上次太高分，我好驚低分人哋會笑我。」泳兒爆料指Ophelia為了令自己有更好表現又不想打擾別人、更想到向AI查詢音樂知識：「佢好多音樂上嘅嘢唔知道，佢去咗問CHATGPT。」舒文聞言幽默回應：「咁不如直接問黃大仙。」◇