由林盛斌（Bob）擔任金牌媒人兼主持、一共六集的《FunkFinance呈獻：女神配對計劃最後告白》，將於本周一至五晚上十點半、及周日（14日）晚八點翡翠台一氣呵成播出。

　《女神配對計劃最後告白》周一晚（8日）播出第一集，五位女神憑藉簡單字條及Message，於限時40分鐘內在學校滿場飛㝷找自己組別的求愛勇者；如何分配40分鐘，完全取決於女神心意及緣份。在這個回合得到最少分鐘數的五位男生將被淘汰，今集沒有保護名單、時間決定一切。

　當晚焦點，絕對是憑在網絡榮升「浪漫男神」icon的葉蒨文（Sophie）組林堡熙（Eddie）。因為Sophie在DatingCamp說過自己很想與拍拖六年半的前度去日本旅行而去成，Eddie一直將事件放在心中；對Sophie一條心的他、遂把握昨晚告白機會、於正式開拍前五天獨自飛往日本、以第一身角度為Sophie拍攝「不完全4D日本探索之旅」，並趕工於拍攝當天剪好成片。

　片段中除了有無盡靚景，還有Eddie為女神專誠安排的行程、揀和服、逛街看手信，及二人在富士山下「合影」等，配以陳奕迅的《富士山下》BGM，以及Eddie在片尾一句：「我們在河口湖約會，確確實實存在過」，浪漫到超乎想像。Eddie：「我知你最想係同另一半去，而我都唔知未來係咪我來…之後嘅嘢可以係開心、可以係唔開心，但係起碼呢一刻我諗留得低，點都會係開心嘅。」Sophie：「喺節目未有定論時，你咁主動做咗呢件事，我覺得好Man咯。」

　Eddie當晚一出招，引來香港及內地網民瘋狂點讚，人氣一夜急升！就連熱捧GSCP（GM+Sophie）的鐵粉，亦大讚Eddie之餘，《東張西望》台柱主持區永權也在社交網公開留言嗌感動：「我都睇到好感動。」

　這邊廂，Eddie成功吸獲了Sophie的關注及感動；另邊廂默默等待Sophie的曾展望GM慘變望妻石！搞笑的是，GM都會無限呼冤：「我知佢入咗Eddie房，冇理由咁耐！」「快啲出來啦，你要記得你仲有一間房未入」、「我已經諗到個新名畀自己，曾展望夫石（製作組事後更正為望妻石）」

　這邊廂Eddie玩感動、那邊廂關嘉敏Carman組的黃家俊Matthew就玩動感教同樣超乎當人想像的自衛術，結果一招「生無可戀Lock頸」，成功點中香港及內地網民笑穴，認證Carman「女神~經」地位的同時，亦裁定Matthew「憑實力單身」！網民：「箍頸嗰下我飲緊水，一望到差啲笑到噴水」、「真心未睇到最後一集，都唔知Carman組最後結果係點」、「比武招親原來真係有、仲要現代版」、「其他組係感動到喊，你呢組係笑到喊」、「真係直男嚟㗎喎。」◇