由梁思浩、黃紫恩（Jojo）及黃耀英（Darren）主持，TVBPlus（82台）靈異直播一小時節目《直播靈接觸》，逢周一晚9點半及周二晚9點35分播映。今輯踏入第三季將挑戰100集大關，黑白無常黃瀅仴、湯之欣，繼續擔任小編跟網民即時互動。新增環節「師傅上門」，5位師傅親臨府上，為觀眾排解靈異疑難。

　周一晚（8日）率先登場嘉賓是靚足三十年、選美出身「逆齡女神」翁虹。翁虹表示體質較敏感容易招惹靈體，多年前在元朗一間出名猛鬼的荒廢學校拍戲，就有過古怪經歷，她說︰「有晚未到凌晨劇組已經收晒工，第二日再開工時，村民竟然問『你哋噚晚點解拍到咁夜咁嘈』，聽完之後嚇咗一驚。」

　至於另一次靈異事件，連當事人翁虹都是當晚才知真相。節目中思浩提到25前跟翁虹、肥姐沈殿霞、董驃及彭健新夫婦到加拿大拍攝電視劇，一班人入住當地酒店，他跟翁虹說︰「其實當時成組人都知你撞鬼，不過唔敢話你知。」身旁翁虹有點不敢置信。思浩形容酒店的裝飾時說︰「間酒店似古堡，有好多樓梯同埋走廊好長，房同房之間都有一張人頭相，好似行到邊都望住你咁。」酒店本身已透出怪異氣氛，不過好戲還在後頭。思浩到翁虹房間找對方，開門所見卻嚇了思浩一跳，他猶有餘悸說︰「本來想同你講我間房有鬼，點知你開門一刻，我見到你身後有一位高外籍男士行過……」當時思浩怕嚇親翁虹沒有說穿，直到25年後才公開事件真相。他笑言當年劇中差不多所有人都撞鬼，肥姐睡覺時整張被被扯走、思浩的鞋被百厭鬼投入幾枚錢幣。

　當晚網民留言踴躍，有網民生日希望收到思浩祝福，最多的是讚翁虹保養得宜︰「翁虹好靚、女神翁虹」、「好靚，好高貴」、「大美人，依然好靚女」、「Keep得好好呀」、「無乜點變樣」。

　昨晚（9日）新增環節「師傅上門」首播，打頭陣出場的悟能師傅，他為一名疑似拜錯神遭靈體纏身的女士，上門「講數」，過程驚嚇怪異。◇