「港女野人」陳若思（Amber）、廖慧儀（Jessica）、胡美貽（Nicole）及何泳芍（Honey）化身「收納達人」主持訪談節目《WD-40萬能防銹潤滑劑呈獻︰傾家‧入宅》，昨晚（1日）9點半及今晚9點35於TVBPlus（82台）播映最後兩集。

　昨晚（1日）4位「港女野人」主持陳若思（Amber）、廖慧儀（Jessica）、胡美貽（Nicole）及何泳芍（Honey）請來「裝修達人」Simon擔任嘉賓，他會教大家如何預防裝修爛尾，利用「付費查察服務」起清裝修公司底細，包括是否有欠款紀錄、結業再開或壞賬等前科，減少裝修中伏機會。節目中Simon教授初級版DIY如何翻新木門、木傢具，他說︰「最簡單方法係用乳膠漆，平時用來油牆嗰啲，好處係覆蓋力強，幾污糟都遮到。」他建議大家到調色中心揀油，會較五金店有更多選擇。即場Amber變身油漆師傅示範為木板油漆，想不到做起來有板有眼，獲幾位港女猛讚「有天份」，逗得Amber開心反問︰「我當平時搽粉底咁，我係咪可以做裝修佬喇。」

　Amber接受訪問時表示，曾為家中星星人公仔DIY大屋，她笑說︰「因為睇住佢哋孤零零放喺枱度好可憐，所以特意整咗間屋仔畀佢哋住。」她笑言從客廳、窗台到書枱抽屜，都有這班星星人蹤跡。Amber同時透露愛整潔，所以每星期都會跟母親執屋，並成為兩母女促進感情的活動，她興奮說︰「每到星期六執屋就變家庭日，好溫馨。執屋係一種享受，尤其係將亂糟糟嘅地方變整齊，超有成就感。」她自言會播住歌，邊執邊跳當做健身運動。Amber直言最難接受廁所亂及污糟，一見到毛巾亂丟、有水漬，就會毫不猶豫動手清潔。

　今晚（2日）最後一集請來職業收納師Suki擔任嘉賓，她分享很多時為喪偶的客人執拾舊物時，會先關顧對方的感受︰「要先表達關心，唔係一去就丟嘢。其實呢樣都係其次，清理係幫佢哋到下一個階段。」收納師變成擺渡人，為生者走出陰霾。同時Suki又會即場傳授「斷捨離」大法。◇