藝人關智斌（Kenny）分別接受新城廣播葉文輝（啤梨）主持的《梨事會》和黎莉主持的《勁爆樂勢力》錄音訪問，宣傳新歌《永遠的彼得潘》及9月舉行的演唱會；事隔六年再開騷，Kenny興奮又期待，當他重提2019年被張致恆「一腳踏五船」連累，演唱會險被擱置，他直言：「我係適合危難中成長。」

　Kenny接受啤梨主持的《梨事會》訪問，談到這次演唱會賣點，Kenny主動重提19年演唱會：「當年係有小小意外發生，有好多波折，原來我係適合危難中成長，要咁樣先得，不過嗰次亦都好好彩，無論幕前朋友或幕後好多人幫我，我只專注做自己演出一part，好多嘢已經去唔到我嗰到，最後做咗一個回響唔錯嘅演唱會。」

　自完成那次演唱後，Kenny不停在腦海中籌劃一個全新舞台，他透露：「今次呢個騷喺心入面已經蘊釀咗兩三年，成個流程好快構思出嚟，到時會呈現一個冒險島舞台，脫離現實芬圍，同觀眾感受一個長不大嘅晚上。（觀眾好想睇你除衫？）呢個係標準配置，到時會大方啲。」◇