自2022年起舉行新一輪世界巡迴演唱會嘅陳奕迅 （Eason Chan）近日完成北京站演出，正準備下月初澳門站嘅佢，一踏入51歲生日，一過深夜佢就Post出拎住蛋糕嘅相慶祝，Eason仲留言，希望戰亂四起紛爭不斷之下「希望世界和平，萬物和諧共處，多點互相扶持，少點紛爭困擾。Unconditional  loving   all   around~ 」。

　今年亦係Eason入行30周年，30年前嘅7月16號，佢於第14屆新秀歌唱大賽贏得冠軍，從此展開多年璀璨星途，短短10年時間之後，就被時代雜誌封為帶領香港音樂潮流同影響樂壇風格嘅人物，至今未變。

　Eason女兒陳康堤今年5月亦隨父母腳步加入娛樂圈，正式以歌手姿態出道發表首支單曲《doll》，康堤仲喺限時動態公開童年時為Daddy慶祝生日嘅相片，另一張更係罕有一家三口合照，非常甜蜜溫馨。◇