《由二人組合農夫：陸永(6 永)、鄭詩君(C 君)夥拍胡敏芝(Karen)主持的旅遊文化節目《旅行最緊要近》，逢周四晚九點三十五分及周五晚九點半 TVB Plus(82 台)播映。三人本住坐熱氣球不一定要到土耳其的宗旨，以一小時生活圈為出發點，沿住高鐵線食玩買盡大灣區城市，尋找日本、泰國以外的平替，用最低消費，獲最高享受。

　23日陸永(6永)以半個潮州人身份介紹一間位於汕頭市的打冷店，該店長據必食榜頭幾位，單是打冷檔的菜式，要光顧多次才可以吃勻，而且豐儉由人，人均消費由幾十元到數千元不等。昨晚(24日)6永、鄭詩君(C君)及胡敏芝(Karen)在潮汕最後一日行程，天大面子請到玄學家麥玲玲師傅擔任特別嘉賓。

　眾所周知，香港富豪都愛到上環潮州巷食碳燒響螺，貪其即烤即食且名貴。昨晚潮汕之旅最後一站玲玲師傅帶各人到一間名為大牌檔，實則是當地富豪的飯堂，品嚐過千元一片的碳燒巨型響螺片。6永、C 君及 Karen 見到玲玲師傅忽然華麗登場，自然喜出望外，知道一定「有好嘢食」。主打的巨型碳燒響螺，由廚師在現場即烤即切，再淋上秘製汁醬。各人試食後不約而同發出讚歎聲，就知有幾好食。

　C君表示假如預算充足，這款碳烤響螺是必食之選，他說：「雖然響螺有多種做法都好好食，惟獨碳燒好食之餘，有師傅即場烤熟切片，滿足味覺及視覺享受。」

　此外，今晚(25日)節目最終章，三人來到惠州享受陽光與海灘，該處素有「中國馬爾代夫」稱號，不過 C 君有另一種看法，他說：「唔使話似唔似人，惠州自己都幾正吖。好多民宿、酒店同 Resort，好舒服。」他又提到有網民稱Karen 為「小薛凱琪」，Karen 卻不表認同：「因為薛凱琪靚太多喇，我諗啲網民講下笑，搵啲嘢嚟講，即係話你好似邊個、邊個，因為講唔出你個名。」C君接着指三人非常合襯，毫無違和感，他說：「睇返片同相係幾襯，似咩呢?似《魔戒》組合，樹人、哈比人加一隻精靈，個畫面好卡通。」

　假如想知道各人角色如何分配，就要留意今晚節目播出，C 君跟6永的想法當然別出心裁。◇