湯盈盈 Angela Tong  同圈中閨蜜 佘詩曼、梁靖琪、文頌嫻、姚樂怡、鍾麗淇、周家蔚組成嘅「七魔女」，每逢有喜慶時都會聚首慶祝。6月30號就係盈盈嘅50歲正日生日，當中姚樂怡、鍾麗淇同周家蔚相約壽星女慶祝。

　日前被報道指婚姻亮起紅燈嘅 周家蔚 完全冇損心情，依舊跟好姊妹慶祝。佢稱讚盈盈永遠係自己生命中閃耀嘅快樂同喜悅來源，祝福盈盈擁有幸福。鍾麗淇就話生活中得到最珍貴嘅祝福係一班好姊妹嘅友誼，而佢知道無論彼此由20多歲至30多歲，去到40多歲，盈盈嘅真誠、善良都會一直陪著自己。

　而姚樂怡就指由入行到而家，不論圈內圈外都成日認錯佢哋兩位，但係自己就覺得一啲都唔似，因為盈盈比自己靚好多，人品好又入得廚房出得廳堂。◇