前女子組合Cream成員李蘊（Renee）近日攜全新單曲《由自可》回歸樂壇，她到新城廣播接受葉文輝（啤梨）主持的《梨事會》節目錄音訪問，這是她時隔12年後首次以歌手身份亮相電台節目，不僅暢談音樂創作理念，更首度公開離婚後的心路歷程，展現單親媽媽的堅強與蛻變。

　問她可有跟其餘兩位成員盧嘉寶（Carpo）及陳曉彤（Hilda）聯絡？李蘊透露從社交媒體上得知兩人近況，「佢哋都移咗民，嫁晒外國人，生埋小朋友。」

　談及人生轉折，李蘊透露已離婚兩年半，9歲女兒和7歲幼子現時跟隨前夫在廣州生活，她每星期會中港兩邊走，「我會每星期接佢哋去玩，反而咁樣學識珍惜，因為日日對住小朋友會發癲，一星期見一次會變得好溫柔，亦唔捨得鬧佢哋。」

　被問好姊妹何超蓮和鄧紫棋可有介紹對象？她表示：「以前有啲聚會都有男仔，但嗰啲男仔好多講英文，開口埋口全部英文，得兩句中文，我真係搞唔掂，都係搵番本地人好啲。」回首過去的20年，33歲的李蘊感嘆：「普通30歲女仔可能仲喺到摸索，或者拍緊拖，但我已經歷好多唔同階段。（會唔會驚咗？）唔會，人生要有經歷先完整。」

　李蘊解釋新歌《由自可》（意指本可置之不理）與倒序後的「可自由」，傳達「活在當下」的態度：「世界每日都有災難預言，與其擔憂未來，不如珍惜眼前。」◇