天后鄭秀文（Sammi)16日威尼斯人綜藝館舉行第四場「You & Mi鄭秀文澳門演唱會2025」，全場爆滿，來自世界各地歌迷捧場，Sammi表示感動。特別嘉賓洪嘉豪坦言收到Sammi邀請，加上被點唱《黑玻璃》時，感到受寵若驚。不過最大驚喜可說是有歌迷掟出一個紅色bra上台，Sammi高舉笑言太大。

　Sammi說：「今次我邀請嘅嘉賓都比較包羅萬有，有啲熟悉嘅面孔，有啲來自樂壇比較新嘅歌手。我覺得我年紀大咗，喺舞台上除咗自己嘅表演之外，仲有一份使命感，希望能夠將咁大嘅舞台，同一啲比較新晉嘅歌手，或者我自己覺得好欣賞嘅歌手，分享呢個舞台。」然後唱出《不要驚動愛情》，嘉賓洪嘉豪升上舞台，手拖手合唱，觀眾驚喜尖叫。

　之後，Sammi坦言私心想聽洪嘉豪現場演唱《黑玻璃》，洪嘉豪說：「當我收到Sammi嘅邀請，最驚訝係Sammi識我？有聽我嘅歌？仲要指定要唱呢隻歌？我哋呢輩嘅歌手有時都會迷惘，收到Sammi邀請，覺得係一個肯定和榮幸。」Sammi說：「絕對係一個肯定，洪嘉豪係一位相當有實力嘅歌手，你去年首歌咁高點擊率、咁多人鍾意，一定有佢嘅道理，你唱都相當出色。」

　當晚現場眾非常熱情，Sammi與24HERBS和Matt Force演繹《愛是》、《愛是2.0》和《罪與罰》，以及與Rapper KALAI演唱《信者得愛》時，觀眾湧到台前，吶喊和跳舞，氣氛高漲。◇