歌手黃妍（Cath）日前到新城廣播接受昆頓主持的《說故事的人》錄音訪問，宣傳新歌《無膽匪類》。Cath邀請早年受驚恐症和焦慮症困擾的藍奕邦填詞，事前更專程與對方視像，互相分享恐懼。

　Cath表示：「我好細膽，咩都驚，但我知生活唔容許我細膽，我幾驚面對人群，但我必需要上台唱歌面對人群，每次見完人返去，我可以攤喺梳化立即瞓着，同埋要匿埋幾日，先可以出返去見人。」Cath又自爆是話題終結者。

　問Cath最驚恐遇過什麼事？她馬上表示：「考車，真係好驚！我學車咁耐從未試過落雨，嗰日一上考試車就落大雨，驚到爆炸。嗰刻突然諗起學車師傅話無論幾驚，都唔好畀考官知道，我唔知點解哼起《無膽匪類》歌詞，原來呢首歌對於我來講，係多咗個陪伴同勇氣，自己呵番自己。」◇