近日唔少網民分別捕獲天王郭富城同太太方媛甜蜜遊英，城城仲陪太太去著名嘅百貨公司掃名牌，天王嫂方媛亦忍唔住上載兩夫妻行程中嘅靚相同短片放閃。

　城城除咗去欣賞自己最愛嘅超跑之外，亦有為兩位可愛千金買靚靚童裝，而其中一條自拍嘅短片中，方媛捱住城城膊頭，喺街頭漫步，城城更展現可愛嘅傻笑，令天王嫂用嬌嗲嘅聲線問城城:「笑甚麼笑呀？~」唔少粉絲留言話好耐冇見城城咁純真係一面。

　城城一直忙於開騷，甚至係之前同太太結婚7周年都未能好好去旅行慶祝，相信城城喺十二月去台灣開巡唱前，將空檔留俾太太，兩口子享受甜蜜之旅。城城亦未有太戒口同太太享用著名嘅英式早餐同熱量豐富嘅下午茶。◇