星途一直浮沉不穩的麥紫莉（Chili），近年雖已淡出娛樂圈，在外修讀多個課程試圖轉行，但對娛樂圈充滿憧憬的她，始終想為夢想行多一步。去年底Chili聯絡「寫真之父」Ronald，主動提議影一輯終極寫真！

　「呢幾年讀咗中醫、營養學，一來想身型靚啲健康啲，二來真係有諗過轉行，因為娛樂圈收入唔穩定，有冇得開工又唔係自己話到事；當我真係有資格轉行喇，我發現我都係想試多一次！於是我主動搵Ronald傾出寫真嘅可行性，反正我嘅身型，即使收收埋埋，大家嘅焦點都會放返喺身上，咁不如我買一鋪大細放手一搏！」

　人生第一本寫真可算是Chili剝到最盡的一次，「真空」又「真胸」，絕無照騙，因為她想大家感受到最坦蕩蕩的一面。

　被指大話精多年的Chili，最終都鼓不起勇氣拍愛情動作片，但全裸硬照卻盡現大膽豪放性格，由真空著圍裙、在沙灘又跪又爬全無sayno，而且她亦參考日本AV女的招牌誘人動作，務求大家對她有一定記憶點！「都已經27歲，如果唔趁而家comeback，再大啲就唔會再有呢份勇氣，我今次嘅心態係搏盡無悔，我唔介意大家定義我行性感，因為路線可以之後再改，好多女藝人以前都行過性感，拍過寫真甚至三級片，而家都一樣係賢妻良母啫！如果有機會，我一定會好好珍惜！如果大家都係唔接受我，我唯有認命退隱做返普通人囉！」

　對於寫真銷量，Chili表示討論熱度緊要過一切，所以在書展期間，Chili特意舉辦一場「親親忠粉抱抱會」，答謝多年來一直支持自己的粉絲。有可能面對猖狂粉絲的熱烈擁戴，Chili希望大家可以溫柔啲、慢慢嚟，更應承大家絕對唔會抱一秒就俾人拉走！◇