SPACE Music Festival音樂會一浪接一浪，大會突然宣佈韓國天后泫雅將伙拍香港女團LOLLY TALK、女歌手kayan9896、張蔓姿、張蔓莎、KALAI家麗及澳門的著名DJ組合NAMXSIS舉行全女音樂祭《AXA安盛呈獻:SPACE MUSIC FESTIVAL第三擊》，掀起全城撲飛浪潮！

　黃敏蕎（妹）@Lolly Talk笑言音樂節屬考牌之作，與韓國天后泫雅同台感興奮：「因為韓國藝人嘅表演水準一向都好高水準，作為新人可以同佢同台梗係興奮喇！完全想像到我哋成隊變晒小fans，唔知到時有冇機會影吓相、傾吓計呢？」另一成員Elka鄭芷淇就話會傾盡全力表演，希望將香港女團嘅表演帶到韓國：「人地作為韓國天后嚟到表演，當地嘅傳媒都應該會報道，我哋更加出盡一百分嘅力，話比人哋知香港女團都跳得唱得唔失禮！」

　而張蔓莎將伙拍家姐張蔓姿亮相音樂節，直言全女班組合感新鮮，揚言「好期待！好耐無同Gigi一齊演出，今次希望帶比大家一啲驚喜。雖然係全女班演出，大家各有各特色，相信大家同我都一樣咁期待呢個show！」

　kayan9896亦表示有幸參與感興奮，盼把握機會吸收演出經驗：「香港嘅戶外騷唔係太多，今次要享受舞台之餘，仲要學吓點帶動氣氛，我哋雖然全女班，但個騷唔會好『柔弱』，一定會令全場High爆嘅。」

　NAMXSIS近年多次獲邀擔任亞洲各大PARTY盛會的GUESTDJ，來自澳門的著名DJ組合NAMXSIS擅長透過強勁節拍和HIPHOP組曲的完美編排，引領全場樂迷走往氣氛高峰。而這個由姊妹佩男和思男所組成的話題單位，將於今年四月一同登陸香港大型音樂節SPACE MUSIC FESTIVAL，誓於演岀當日撼動西九舞台！

　KALAI家麗貴為新世代最具潛力的本地獨立女歌手代表，KALAI家麗憑著極具個性的旋律演譯風格以及觸動樂迷的說唱歌詞創作，旋即引來本地音樂領域的高度關注；而且其多變的時尚造型，更多次令這個樂壇新力軍接連登上一系列人氣的時尚雜誌。至於今年四月，KALAI家麗將正式登陸香港大型音樂節SPACE MUSIC FESTIVAL，讓各位親身感受其矚目演岀！

　突發加推《AXA安盛呈獻:SPACE MUSICFE STIVAL第三擊》

　活動日期：二０二三年四月三十日（星期日）

　活動時間：下午六時三十分

　活動地點：AXAx Wonder land|安盛x竹翠公園（位於西九文化區苗圃公園）

　票價：$580/$780/$1080/$1380（VIP）

　門票發售詳情

　四月十七日早上十一時起至晚上二十三時五十九分恒生Mastercard信用卡獨家優先訂票

　四月十八日早上十一時起正式公開發售

　優先訂購及公開發售官方平台：TIX-GET-GO.KKTIX.CC◇