由新晉導演應智贇執導、兼與黃智揚聯合編劇，張敬軒（軒仔）、王菀之（Ivana）、魏浚笙（Jeffrey）、白只、洪嘉豪領銜主演，黃正宜、邱頌偉、楊天宇、郭思、張明偉、歐陽仲豪、黎峻等主演的英皇賀歲喜劇《超神經械劫案》，昨日在粉嶺舉行開鏡。電影改編自二００四年韓國電影《我們全村不是人》及二０二一年台灣電影《詭扯》，開鏡儀式上並由楊受成博士宣佈《超神經械劫案》將在今個賀歲檔爆瘋狂爆笑上映！

　戲中飾演押運員的軒仔，席間表示今次是自己首次擔正參與電影外，亦是首次與認識多年的好友Ivana合作電影，但戲中二人對立，會大打出手外，不會有感情戲，軒仔解釋因為緣份未到。而訪問時，軒仔與Ivana一碰頭即鬥嘴，戲中飾演村長的Ivana，說：「軒仔果邊係爆炸大場面、我呢邊都唔弱就有同班村民歌舞出場，會好好睇。」

　軒仔隨即便感謝公司同導演落本拍攝多場槍戰、爆炸同動作戲，形容會非常吸睛，Ivana便火速反擊，指自己無懼天氣熱，拍得輕鬆舒服，事關開拍前，已同導演提出，辛苦、熱同倦都唔得，頓時令軒仔靜止兩秒，再道：「咁你即係走得啦！唔好諗住食飯盒！無功者飯餸不留。」

　鬥氣冤家軒仔同Ivana開鏡都充滿火花，同是押運組隊員Jeffrey、嘉豪同豪Dee都唔簡單，對於戲中不少槍戰戲，Jeffrey笑指指之前好驚，但訓練完到現場拎起支槍，自我感覺良好，擔心應該是他身邊其他演員；嘉豪則透露自己無上槍擊訓練，說：「大家見我映相無槍，原因我隻手就係槍！咁大家明部戲有幾瘋狂。」《超神經械劫案》正在熱拍，爆笑點亦貫穿全套電影，今個農曆新年同大家笑住賀歲！◇