「歌神」陳奕迅（Eason）老婆徐濠縈在二００四年誕下女兒陳康堤，前天（四日）便是陳康堤的十八歲生日，徐濠縈罕有於社交網公開女兒三張近照，祝賀女兒生日快樂，正式長大成人，雖然新相都只係女兒嘅側身相，但亦能清楚見到康堤已經亭亭玉立，兩母女簡直餅印一樣，其中一張康堤戴上髮帶嘅側面照，仲同媽媽完全撞樣，連梁漢文都分不清究竟康堤及徐濠縈，在帖子留言追問：「究竟第二張係邊個？分唔到」對比康堤小時候的相片，可見女大十八變。

　另外，陳奕迅《FearandDreamsEasoninConcert二０二二》於今日公開發售，紅館網上率先出現放售座位表，雖然前排有不少位置預留給演唱會贊助商及內部認購，但最前排靚位置預留作公開發售。又陳奕迅公司在社交網晒出一張Eason身在巴黎街頭嘅照片，並標明「當年今日」，回味昔日到巴黎籌備演唱會服裝的日子。◇