《深宵閃避球》由新晉導演應智贇自編自導，鄭伊健、周家怡、李靖筠等主演，搵嚟錢嘉樂、彭秀慧、朱栢謙、鄭欣宜、許廷鏗、陳家樂、蔡穎恩等聯合演出，將於十月六日上映。

　男主角鄭伊健主唱電影主題曲《遇怪魔我識得變大個》，鄭伊健自十年前《我老婆唔夠秤Ⅱ：我老公唔生性》後再為電影灌錄個人電影主題曲，適逢噚日係鄭伊健五十五歲生日，導演應智贇喺呢個特別日子，精心炮製《遇怪魔我識得變大個》動畫版ＭＶ，ＭＶ大走日系漫畫風，與電影拍攝風格不謀而合。

　歌曲節奏輕快，配合鄭伊健以片中角色「劉Sir」充滿力量嘅歌聲，譜出人生總有跌跌碰碰，但遇到挫敗總不能一蹶不振嘅嗰份熱血，而唔少粉絲在社交平台留言指歌曲，令佢哋諗起《數碼暴龍》主題曲嘅澎拜感。陳心遙負責作詞部份，佢指歌詞反映出導演鏡頭下嘅體育精神，一脈相承，尤如片中對白「喺邊度跌低，就要喺邊度再跌低」，只要堅持到底才可以為自己人生打一場逆轉勝！

　導演應智贇悉心籌備呢個ＭＶ，希望為電影留下一個美好嘅紀錄，透過影片向扶助過佢哋人作出感謝，他透過ＭＶ發佈表示：「感謝監製們讓《深宵閃避球》呢件事發生，成就呢個故事。感謝《數碼暴龍》，讓童年嘅我相信呢個世界仍然有善良，埋下二十多年後嘅呢條伏線。感謝伊健，延續大家嘅童年，祝伊健生日快樂！」

　《深宵閃避球》故事講述外展社工楊琦（周家怡飾）主理「深宵體育館」，一直鼓勵不願歸家的少女們，凌晨時份來到體育館做運動；無奈管理層突然出現人事變動，隨即面臨閉館危機....在自稱資深教練的劉志聰（鄭伊健飾）協助問題少女組成「粉青隊」，參加全港閃避球錦標賽：打贏就留館留人，打輸就執包袱走人！教練同八位隊員本身都各有煩惱，但呢一刻無得再退避，全情投入頂硬上，一齊領悟閃避球嘅真諦！◇