NFT交易平台Mocter一直致力與香港本地內容創作者合作，昨日推出的「MocterxJdaily─香港女生NFT系列《HKGIRLSNFTGALLERY》」屬今年一個重大項目，此項目由45位本地女生組成，當中包括前熊仔頭成員陳濬樺（Santis）、今年推出首本寫真集的SauSau（李秀雯）、開電視「SummerGirls2022」參賽者兼被稱為「港版林明禎」的Baby梓、憑參加《最後一屆口罩小姐選舉》出道的張凱莎（孖四）及李嘉麗（Carrie）、電影《#PTGF出租女友》女星葉俙賢（Amber）、2018亞洲太平洋國際小姐季軍葉紫棱（Catherine）、《全民造星III》參賽者黎蘊芝（Dilys）、《全民造星IV》參賽者鍾心悅（米線）、各自ig有約10萬followers的cosplayer張芷璇（CUUna）及Nicky琦玉、《試當真校花校草2022》參賽者IrisKayan等等，而其他參與今次NFT系列的女生則有從事KOL、模特兒、網台、Youtuber、blogger、cosplayer、美容顧問、健身教練、瑜伽導師及鋼管舞老師等職業。

　45位女生的個人寫真NFT，每人都有屬於她們自己的故事，透過支持她們獨一無二的個人NFT，達成每個人夢想的同時，亦為NFT賦予不同意義，更有獨特的收藏價值。「MocterxJdaily─香港女生NFT系列」將於昨晚10pm正式開售。

　21歲的Santis首次參與NFT系列，但原來她希望透過NFT為慈善出一分力，她表示：「我決定將賣NFT嘅全部收益捐去毛守救援，係一個拯救流浪動物嘅機構。我自己都領養咗一隻狗仔，明白養狗係一樣非常非常唔簡單嘅事，要花好多時間心機，顧及佢嘅心理生理健康，我自己養一隻狗都咁辛苦，一啲收養動物嘅機構，講緊幾十隻、過百隻一定更加吃力，所以我想用自己小小嘅力量去支持呢啲咁有心嘅機構。」Santis稱今次合作NFT並非純粹炒賣用途，反而是有多元化的用途令NFT更具意義，「捐出去係想做啲有意義嘅事，希望感染其他人，去留意同幫助唔同有需要嘅人。」

　除了成功推出NFT外，其實Santis最想做一個出色演員，她說：「自出道以嚟聽到好多聲音，令到我今年都有好多檢討同思考人生，明白到要加努力、畀心機充實自己，所以今年都有個新嘗試，就係跟老師學戲，希望嚟緊有更多機會可以喺電影同電視熒幕度見到大家。」她並透露最近嘗試做電視劇角色，但具體暫時仍需保密。◇