鍾嘉欣（Linda）今年四月在社交平台宣布懷上第三胎，近日佢拍片分享懷孕心情，表示BB還有幾個月就出世，她非常期待跟孩子見面。仲列出唔同線索叫網友競猜佢今胎佗仔定佗女！只見她挺着大肚子，連帶上圍都升級，但得天獨厚手腳依然纖幼。

　講到BB性別她大賣關子，卻分享自己及其他人佗仔、佗女時的不同徵狀，並叫大家估她今次佗女：「佗仔呢，佗得低，手腳係好纖瘦，淨係個肚突出。如果佗女賀爾蒙高高低低情緒化到不得了，但依家我幾穩定每日都幾開心，我覺得我佗得幾低，但佗女會鍾意食啲好甜嘅嘢，我又冇。」之後佢仲擲銀仔，連擲兩次都係代表男仔的「字」。她說：「如今胎係仔，我就要去重新shopping，因為二仔Jared啲衫已送晒畀朋友；如果係女，我就乜都有喇。睇下上天嘅安排啦！」對於暗示今胎係男B，嘉欣表示其實生男及生女都冇所謂，最緊要都係健健康康。

　嘉欣稱愈來愈感受到胎兒的郁動，自己也愈來愈開心。她說︰「有緣份再去擁有一個小孩子，唔係個個都有呢個機會。我相信上天相信我和家人嘅能力，我們適合有多一個小朋友加入我哋嘅家庭。」◇