鄭秀文（Sammi）新專輯《ListenToMi》有六首歌，其中新歌《螢》在兩個月前經已推出，不過，Sammi為力求完美將歌曲MV一改再改，前日她在社交網站發帖說：「因為之前兩個剪輯的版本Mi都不夠滿意，於是Mi決定拍攝這個正式MV。我承認，我是固執和誠意的Mi。希望你們在YouTube上可看到這首歌以最佳的MV呈現。很值得為你們一再努力。謝謝你們對我這張專輯愛與支持。」Sammi還hashtag表示拍攝MV時雖然撞正黑雨，但氣氛卻是完全配合。

　隨帖文貼上的相片可見，今次MV的男主角找來靚仔型男柏天男，Sammi乘坐在雨中行駛的電車上，倚窗托腮合眼，畫面看來相當唯美。另外一輯相又輕倚住柏天男膊頭，兩人又相視而笑，好Sweet。

　昨晚她又上載跟家姐的對話，爆連姐姐都大讚MV拍得夠浪漫：「家中的家姐問Mi『好鬼浪漫呀！係咪新電影呀？』（好明顯，家姐完全唔知我的工作schedule）Mi答：『唔係啊！係遲鈍咗十拍先至拍嘅《螢》MV』

　然後家姐說：『呢幅MVposter照正！應該拍返部超浪漫嘅冬天愛情電影囉！』（但點解係冬天？樽領冷衫浪漫d）。◇