由阮小儀主持的香港開電視節目《小儀與13型男》，逢星期六晚上十一時於77台香港開電視播映，今集（十三日）邀請「成熟穩重型」的蘇民峰師傅擔任小儀約會對象，甫出場小儀即嫌棄表示：「唔係嘛，點解呀？話明係成熟型男，點解會係你（指蘇民峰）呀？」身旁蘇民峰即回應指：「我熟到爛，不過型唔型，就見仁見智。」你一言我一語，場面惹笑。

　節目中，蘇民峰為小儀親自下廚煮西班牙菜，盡顯成熟穩重一面，小儀亦讚嘆表示：「如果個男仔好似師傅（指蘇民峰）咁煮嘢食叻，吸引力會大增，男仔煮嘢食畀女仔，感覺好溫馨。」席上，蘇民峰亦不時提及拍拖三十年的「愛人」Lilian，他說：「我唔係成熟，但我好現實，同我一齊會有安全感，以前窮得滯，啲女人嫌我窮，直到我呢個『愛人』，我窮都唔嫌棄我，第一餐同佢喺台灣飲茶，係佢埋單，因為佢驚我冇錢畀，佢第一次嚟香港，佢買嘢送畀我，我都冇買嘢送畀佢。」

　問到蘇民峰憑甚麼成功「鎖住」Lilian？他笑說：「我都有問過佢（Lilian）鍾意我咩，佢話覺得我可憐喎，由憐生愛。佢嗰時鍾意我係因為我醒目，仲有一樣嘢係因為我個人好玩，有邊個男友每日會同對方蒲天光，再行彌敦道返屋企吖。」

　在小儀眼中，蘇民峰不僅是成熟穩重，她指對方更是可以付托終生的好男人，小儀說：「同成熟型男一齊有咩唔好處？我太幼稚，未夠成熟，未接收到佢嘅嘢，可能會好大壓力，不過我係鍾意同成熟男仔一齊嘅，但呢類男仔我係吸引唔到，未試過有呢類型男仔追求過自己。」◇