趙慧珊（Aka）專注個人發展，更先後推出多歌不同曲風的歌曲，《新城勁爆頒獎禮二０二０》，Aka更獲得「勁爆躍進歌手」，對於二０二０年的努力獲肯定，Aka直言相當開心，她說︰「感謝主辦單位及同事，呢一年畀好多支持我，雖然受疫情影響，但努力沒有白費，畀人睇到Aka喺音樂上嘅進步，係好開心嘅事。」她更自嘲︰「二０二０年自己比較『黑仔』，但年尾有獎拎，希望黑氣快啲過，將好運帶落新一年。」

　Aka透醣新一年會繼續專注音樂，更為自己訂下多個目標，她說︰「本來呢一年想再試唔同曲風，發掘更多可能性，當然仲開個迷你演唱會，呢個係我嘅夢想。」Aka還表示最近買了一部琴，希望可以解鎖新技能，她說︰「我最近買左部琴，自己本身唔係太識玩樂器，但想學彈琴，新一年起碼最少可以識彈自己其中一首歌，自彈自唱到畀粉絲聽。」

　問她會否會現在才學琴太遲？Aka說︰「有心唔怕遲，最近自己實踐了唔少挑戰﹐好似去玩滑翔傘，同埋被狗咬傷後再到狗場做義工，所以新一年會繼續挑戰自己，彈琴係其中一樣。」至於會否打算做創作歌手？Aka說︰「呢樣自己冇去諗，始終都係剛開始學，不過每位歌手都帶望擁有自己創作的歌曲。」此外，Aka希望新一年疫情快點完結，她說︰「自己好掛住舞台，好想現場唱歌畀粉絲聽。」◇