4位「港女野人」陳若思（Amber）、廖慧儀（Jessica）、胡美貽（Nicole）及何泳芍（Honey）再度化身「收納達人」，主持全新訪談節目《WD-40萬能防銹潤滑劑呈獻:傾家‧入宅》，逢周一、五晚9點半及周二、四晚9點35於TVBPlus（82台）播映。

　昨晚（6日）首播一集對橙色過敏者不宜收看。該集會訪問一位整理師阿橙，她對橙色情有獨鍾，不單全屋從傢俱到電器，都是獨沽一味橙色，就連寵物貓貓牙吉的毛色都是偏橙。阿橙自言從小學開始已愛上橙色，她笑說︰「嗰時都唔係咁知，要到中學先確實知道。」家中珍藏是一把日本昭和時期生產的風扇，電腦到鍵盤更是由中學用到現在，運算速度已在其次，重點依然是那一點橙。

　事實上阿橙真正身份為一位整理師，從事如何有效發揮家中空間的工作。阿橙直言執屋並非想像般困難，她說︰「你哋作為女仔兼演員，衫一定多嘅。所以摺好、掛好啲衫，唔止易搵仲可以放多啲衫。」她指出每件衫摺成差不多大小，用直立式收藏，可以將空間使用發揮到極致。節目中阿橙會傳授4位港女野人源頭減廢心得，阿橙說︰「首先要避免重覆購買，學習精準購物、其次要識斷捨離、最後要識買一送一，即係每買一件新嘅，就放棄一件舊，咁就唔會累積落去。」

　節目中胡美貽（Nicole）踢爆陳若思（Amber）是夾公仔狂人，上一趟到日本旅行時夾到一堆公仔，數量多到旅行喼不夠放。阿橙即場傳授Amber執喼大法，從此不再爆喼。Amber接受訪問時表示上次是跟Nicole到日本拍攝節目《趁而家去東京偷食...譜！》，每日只能偷空晚飯後小小時間去夾公仔，她笑說︰「都唔記得夾咗幾多，有啲送咗畀同行嘅cameraman、writer，有啲返香港送畀朋友。應該都唔係夾好多(錢)，用咗一萬日圓都唔夠，因為無太多私人時間。」◇